Франция Исроилдан Global Sumud флотилияси қатнашчиларининг хавфсизлигини таъминлашни сўради

Унинг таъкидлашича, Исроил денгиз кучлари флотилияни ўраб, ҳужум қила бошлаган. Барро ўз баёнотида:

«Ғазога йўналган Global Sumud флотилияси Исроил ҳокимиятлари томонидан текширув ва ҳибсга олинишга дуч келмоқда. Франция Исроилдан флотилия қатнашчиларининг хавфсизлигини кафолатлашни, уларнинг консуллик ҳимояси ҳуқуқини таъминлашни ва уларни илк имкониятда Францияга қайтаришни талаб қилади», — деди.

Вазир шунингдек, флотилиядаги француз фуқаролари олдиндан ушбу ҳудудга саёҳат қилиш мумкин эмаслиги ҳақида огоҳлантирилганини эслатди. Унинг айтишича, Франция ўз фуқароларининг хавфсизлиги учун Исроил ҳокимиятлари билан алоқада.

Барро таъкидлашича, Франциянинг минтақадаги асосий мақсадлари қуйидагилардан иборат:

ўт очишни тўхтатиш;

ҲАМАС қўлидаги асирларни озод қилиш;

кенг кўламда гуманитар ёрдам етказилишини таъминлаш.

Шу муносабат билан у флотилия иштирокчиларидан олиб келаётган ёрдам юкларини маҳаллий гуманитар ташкилотларга топширишни сўради.