Тошкент мактабларида 10 ва 11-синф ўқувчилари камералар орқали кузатилади

Қарорга кўра, “Smart School” электрон дастури, аввалига Олмазор туманида синов тариқасида 31 та умумтаълим мактабларининг 250 та синфларида жорий этилади.

Қарорда ёзилишича, мазкур дастур орқали 10 ва 11-синф хоналарига махсус камералар ўрнатилиб, таълим сифати доимий назорат қилинади, синфларда ўқувчилар давомати кузатилади, уларнинг руҳий ҳолати сунъий интеллект орқали аниқланади, шунингдек, ўқувчиларнинг фанларга қизиқишлари ва ўқитувчиларнинг педагогик салоҳияти баҳоланади.

“Тошкент шаҳар ҳокимининг ўринбосари (Д.Рахимова), Тошкент шаҳар Мактабгача ва мактаб таълими бошқармаси (И.Юлдашева), туман ҳокимликлари Тошкент шаҳридаги умумтаълим мактабларининг юқори синфларида ўқувчиларнинг давоматини ҳамда таълим сифатини назорат қилиш мақсадида 10- ва 11-синф хоналарига махсус камераларни туман маҳаллий бюджети маблағлари ҳисобидан ўрнатиш чораларини кўрсин”, - дейилади қарорда.

Қарорда камераларни ўрнатиш туман маҳаллий бюджети маблағлари ҳисобидан амалга оширилиши режа қилинган.