Тошкентда қалбаки пайвандлаш электродлари ишлаб чиқарган цех фош этилди

Маълум бўлишича, фуқаролар С.Н. ва бошқалар “M.A.” МЧЖ ишлаб чиқарадиган “Арсенал” бренди остидаги пайвандлаш электродларининг қалбаки нусхасини тайёрлаб, фуқаро Н.С.га 66 қути маҳсулот сотиш пайтида ашёвий далиллар билан ushланган.

Текширув жараёнида цехдан умумий қиймати 855 млн сўмга тенг 17 турдаги 36 760 қути электрод, қалбаки штрих-кодли маркировкалар ва ишлаб чиқариш жараёнида фойдаланилган турли товар-моддий бойликлар олинди.

Ҳолат юзасидан Жиноят кодексининг 168-моддаси (фирибгарлик) ва 228-моддаси (ҳужжатлар ва штампларни қалбакилаштириш) билан жиноят иши қўзғатилиб, тергов ҳаракатлари олиб борилмоқда.