Uzbekistan Airways томонидан маҳаллий қатновлар сони оширилди

Uzbekistan Airways авиакомпанияси мавжуд талабларни инобатга олган ҳолда қўшимча маҳаллий авиақатновлар жорий этилганини эълон қилди.

Эндиликда қуйидаги рейслар бўйича қўшимча қатновлар амалга оширилади:

- Тошкент – Термиз – Тошкент (1-29 сентябрь, душанба, чоршанба ва жума кунлари);

- Тошкент – Бухоро – Тошкент (9-30 сентябрь, сешанба ва жума кунлари);

- Тошкент – Фарғона – Тошкент (6-27 сентябрь, шанба кунлари);

- Тошкент – Навоий – Тошкент (10, 17 ва 24 сентябр);

- Тошкент – Наманган – Тошкент (2-30 сентябрь, сешанба ва пайшанба кунлари).

Хабарда айтилишича, парвозлар Airbus А320 ҳаво кемаларида амалга оширилади.