“Алининг шапкасини Валига кийдириб юрган” тадбиркорнинг бизнес империяси қуламоқда

У 1975 йил 30 июлда Самарқанд вилоятида туғилган тадбиркор. 

15 январь куни Марказий банк “Янги банк” акциядорлик жамиятининг банк фаолиятини амалга ошириш ҳуқуқини берувчи лицензиясини чақириб олди ва мазкур банкнинг фаолияти тугатилганини эълон қилди. “Янги банк” АЖ билвосита Бахтиёр Фозиловга тегишли эди.

Март ойига келиб маълум бўлишича, Ҳукумат Enter Engineering, Eriell ва Saneg компаниялар гуруҳининг молиявий барқарорлигини таъминлаш бўйича чора-тадбирлар ишлаб чиққан.

Ҳужжатга кўра, холдингнинг 38,7 минг нафар ходими иш ҳақи бўйича қарзи 2026 йил январь ҳолатига 131 миллион долларга етган. Мазкур қарздорликни қоплаш мақсадида Вазирлар Маҳкамаси гуруҳ активларини кенг кўламда сотиш бўйича режани тасдиқлаган.

Бахтиёр Фозиловнинг ўзи эса жорий йил январь ойидаёқ барча энергетика лойиҳаларидан “бош пудратчи” сифатида четлатилиши ҳақида огоҳлантирилган.