Ўзбекистон Жанубий Кореядан 6 та тез юрар поезд харид қилмоқчи

Унда қайд этилишича, мазкур маълумот "Hyundai Rotem" компанияси сотув бўлими вакили Босунг Ким томонидан Тошкентда ташкил этилган "Аҳоли фаровонлигини ошириш учун барқарор иқтисодий ўсиш, сармоя жалб қилиш ва тадбиркорликни қўллаб-қувватлаш бўйича амалга оширилган ишлар ва истиқболдаги режалар" мавзусидаги анжуманда айтилган. 

"Тадбирда Жаҳон банки, Европа тикланиш ва тараққиёт банки, "UK Export Finance", "Export-Import Bank of Korea" каби халқаро молия институтлари вакиллари ҳамда йирик компания раҳбарлари қатнашган", дейилади агентлик хабарида. 

Бундан ташқари, Транспорт вазири Илҳом Маҳкамов тадбирда 2024 йилнинг дастлабки саккиз ойида бутун мамлакат бўйлаб 4,2 миллиарддан ортиқ йўловчи ташишга эришилганини, бу кўрсаткич 2023 йилнинг мос даври билан солиштирганда 106,0 га ошгани ҳақида гапирган. 

Йиғилиш давомида Ўзбекистон халқаро молия ташкилотлари билан 729 километр йўлни реконструкция қилиш бўйича 6 та лойиҳа йўлга қўйгани ҳам эътиборга олинган. "Қўнғирот – Бейнау" йўналишидаги 240 километр йўл фойдаланишга топширган. "Гулистон – Андижон", "Душанбе – Термиз", "Бухоро – Туркманбоши", "Урганч – Ҳазорасп" йўлларининг муайян қисми қайта қурилиши режалаштирилгани таъкидланган.