Ўзбекистон ва Россия ҳамкорликни янада чуқурлаштиради

Йиғилишда парламентлараро ҳамкорликни кенгайтириш, ҳудудлараро алоқаларни ривожлантириш, савдо-иқтисодий, аграр, таълим ва гуманитар соҳалардаги муносабатларни янада чуқурлаштириш масалалари муҳокама қилинди.

Маълумотларга кўра, жорий йилнинг январь–июль ойларида икки давлат ўртасидаги ўзаро савдо ҳажми 6,5 фоизга ошган, шу даврда Ўзбекистоннинг Россияга экспорти 17 фоизга ўсган.

Шунингдек, экологик тоза қишлоқ хўжалиги маҳсулотларини Россия бозорига етказиб бериш, транспорт ва логистика тизимини такомиллаштириш, сайёҳлик алмашинувини кенгайтириш ҳамда гуманитар соҳаларда қўшма дастурларни амалга ошириш масалаларига алоҳида эътибор қаратилди.

Бугунги кунда Ўзбекистонда Россиянинг 14 та етакчи олий таълим муассасаси филиаллари фаолият юритмоқда. Уларда 20 мингдан ортиқ талаба таҳсил олмоқда.