Ўзбекистонда Рамазон ҳайити санаси бўйича дастлабки маълумот эълон қилинди

Бу ҳақда Ўзбекистон Республикаси Адлия вазирлигининг “Ҳуқуқий ахборот” расмий канали орқали хабар берилди.

Расмий маълумотларга кўра:

Байрам муносабати билан қуйидаги кунлар дам олиш кунлари сифатида белгиланган:

• 20 март (жума) — Рамазон ҳайити куни, барча учун дам олиш куни
• 21 март (шанба) — Наврўз байрами, барча учун дам олиш куни
• 22 март (якшанба) — дам олиш куни
• 23 март (душанба) — 5 кунлик иш ҳафтасидаги ходимлар учун дам олиш куни (6 кунлик иш ҳафтасида иш куни)

Маълумки, Ўзбекистонда Рамазон ойи 2026 йил 19 февралдан бошланган. Шу билан бирга, ҳозирга қадар Рамазон ҳайити санаси бўйича Ўзбекистон мусулмонлари идораси ва Дин ишлари бўйича қўмита томонидан алоҳида расмий баёнот берилмаган.

Шунингдек, мазкур сана юзасидан давлат раҳбари Шавкат Мирзиёев томонидан ҳам алоҳида қарор имзоланмаган.

Одатда Рамазон ҳайити санаси ой кўринишига қараб, байрам арафасида расман тасдиқланади. Шу сабабли жамоатчилик орасида ҳайит санасига оид саволлар кўпайган эди. Адлия вазирлигининг мазкур ахбороти эса ушбу санани аниқлаштиришда муҳим манбалардан бири сифатида қаралмоқда.