Россияда Ўзбекистон фуқароси терроризм бўйича 20 йилга қамалди

Тергов маълумотларига кўра, 2023 йил 14 январь куни Ўткиров тақиқланган халқаро террористик ташкилот — Ислом давлати манфаатлари йўлида ҳаракат қилишга тайёр эканини билдириб, видеоёзув тайёрлаган ва уни ташкилот аъзоларига юборган.

2023 йил январь–сентябрь ойларида ташкилот раҳбарияти Россия ҳудудида теракт уюштиришни режалаштирган. Ўткировга аҳоли пунктларини ўрганиш, объектларни разведка қилиш ҳамда портловчи мосламалар тайёрлаш учун жой топиш вазифаси берилган.

2023 йил 23 сентябрь куни у Ўзбекистондан Россияга келиб, Ставрополь шаҳрида бир нечта объектларни суратга олган ва видеога тушириб, маълумотларни ташкилот раҳбарига юборган.

2023 йил декабрь ойида унга Ставрополь ўлкаси ҳукумати биноси эҳтимолий нишон сифатида кўрсатилган. Шу орқали у портловчи қурилмалар учун зарур қисмларни харид қилган ва тайёрлаган. 18 декабрь куни у қўлга олинган.

Суд ҳукмига кўра, Ўткиров 20 йил муддатга қатъий режимли колонияга озодликдан маҳрум этилди. Жазонинг дастлабки 5 йилини қамоқхонада ўтайди. Шунингдек, унга 1 миллион рубль жарима тайинланди.

Ҳукм ҳозирча қонуний кучга кирмаган ва Апелляция ҳарбий судига шикоят қилиниши мумкин.