Сенатор Мир-Акбар Раҳмонқулов 74 ёшида вафот этди

Президент ҳузуридаги Стратегик ва минтақалараро тадқиқотлар институти директори Элдор Ариповнинг сўзларига кўра, Раҳмонқулов Ўзбекистонни чин дилдан севар ва унинг келажагига ишонар эди.

 «Унинг севимли ибораси “байроқ учун ишлаш” эди. Бу сўзларда унинг ҳаёт фалсафаси — лавозим ёки эътироф учун эмас, балки Ватан, унинг мустақиллиги ва обрўси учун хизмат қилиш ғояси мужассам эди», — деди у.

«Эл-юрт умиди» жамғармаси ижрочи директори Гулноза Исмаилованинг таъкидлашича, олим энг мураккаб давлат жараёнларини ҳам оддий ва тушунарли тарзда изоҳлаб бера олар, енгил ҳазил билан хатоларни ўсиш босқичи сифатида қабул қилишга ўргатар эди. 

«Унинг мероси — нафақат илмий ишлар, балки давлат ва ҳуқуққа хизмат қилишнинг тирик анъанасидир», — деди у.