Senator Mir-Akbar Rahmonqulov 74 yoshida vafot etdi

Prezident huzuridagi Strategik va mintaqalararo tadqiqotlar instituti direktori Eldor Aripovning soʻzlariga koʻra, Rahmonqulov Oʻzbekistonni chin dildan sevar va uning kelajagiga ishonar edi.

 «Uning sevimli iborasi “bayroq uchun ishlash” edi. Bu soʻzlarda uning hayot falsafasi — lavozim yoki eʼtirof uchun emas, balki Vatan, uning mustaqilligi va obroʻsi uchun xizmat qilish gʻoyasi mujassam edi», — dedi u.

«El-yurt umidi» jamgʻarmasi ijrochi direktori Gulnoza Ismailovaning taʼkidlashicha, olim eng murakkab davlat jarayonlarini ham oddiy va tushunarli tarzda izohlab bera olar, yengil hazil bilan xatolarni oʻsish bosqichi sifatida qabul qilishga oʻrgatar edi. 

«Uning merosi — nafaqat ilmiy ishlar, balki davlat va huquqqa xizmat qilishning tirik anʼanasidir», — dedi u.