Швейцарияда Гулнора Каримова иши бўйича суд бошланади

Иш марказида Ўзбекистоннинг биринчи президенти Ислом каримовнинг тўнғич қизи турибди.

Айбловлар ва тергов

Маълумотларга кўра, Каримова ва унинг ҳамкорлари телекоммуникация компанияларидан Ўзбекистон бозорига кириш эвазига пора талаб қилган тармоқни шакллантиргани тахмин қилинмоқда.

Швецария Бош прокуратураси 2012 йилда унга нисбатан коррупция, пул ювиш ва жиноий гуруҳда иштирок этиш бўйича иш очган. 2015 йилда эса Женевадаги хусусий банк собиқ ходими ҳам ушбу иш доирасида терговга жалб қилинган.

Узоқ давом этган жараён

Иш 2008 йилларда бошланган воқеаларга бориб тақалади ва ўн йилдан ортиқ вақт давомида кўриб чиқилмоқда. Шу вақт ичида Швейцария суд амалиётида илк бор чет давлат ҳудудида сўроқ ўтказилгани ҳам қайд этилган.

2026 йил бошида Tошкентда Каримова яна сўроқ қилингани хабар қилинмоқда.

Маълум қилинишича, суд жараёнида асосий масалалардан бири — айбланувчиларнинг шахсан иштирок этиши. Манбаларга кўра, Каримованинг судда қатнашиш эҳтимоли паст, унинг айрим шерикларининг қаердалиги эса номаълум.