Тошкент ҳавосини тозалаш: экология идораси қандай чоралар кўрди?

Бу ҳақда Экология ва иқлим ўзгариши бўйича Миллий қўмита матбуот хизмати хабар берди.

Кўрсатилган натижа Махсус комиссия томонидан амалга оширилган ишлар самараси сифатида қайд этилмоқда.

Иссиқхоналарда:

• 1449 та иссиқхона текширилди
• 67 тасининг фаолияти тўхтатилди
• 403 шахсга маъмурий баённома тузилди
• «Ҳудудгазтаъминот» филиаллари 19 та иссиқхонага газ тармоғига уланиш учун техшартлар берди

Қурилиш объектларида:

• Жами 6,3 гектар майдонда 53 та ноқонуний қурилиш аниқланиб, йўқ қилиняпти
• 186 ҳолатда ҳаво ифлосланиши қайд этилди
• 235 та қурилиш объектларидан 25 фоизи ободонлаштирилмаган
• 34 та объектда қурилиш ишлари вақтинча тўхтатилди
• 188 шахс маъмурий жавобгарликка тортилди
• 51 объектда чангни камайтириш учун суғориш ускуналари ўрнатилди

Транспорт йўналишида:

• Юки брезент билан қопланмаган 837 ҳайдовчи жаримага тортилди
• Нормадан ортиқ ифлосланиш манбаи бўлган 206 ҳайдовчига маъмурий чора кўрилди

Микроклиматни барқарорлаштириш учун:

• 77 та кўча ва 165 та жамоат жойи суғорилди ва намлантирилди (496 км²)
• 121 км ариқ тозаланди, уларга 45 та каналдан сув келтирилди
• 126 та фаввора ишга туширилди

Бундан ташқари, Тошкент вилоятида дарё ва жилғалардан қум ҳамда шағал ноқонуний қазиб олишнинг 54 та ҳолати аниқланди. Айбдорларни жавобгарликка тортиш бўйича ишлар олиб борилмоқда.

Экология қўмитасига кўра, янги антициклоннинг кириб келиши (29 ноябрдан 5 декабргача) инверсия ҳолатларининг кўпайиши ва ҳаво ифлосланиши кўрсаткичларининг қисман ўсишига сабаб бўлиши мумкин.

«Қабул қилинган чоралар натижасида Тошкент ҳавосидаги ифлосланиш даражаси маълум даражада пасайди. Махсус комиссия тезкор чораларни давом эттиради ва жамоатчиликни мунтазам хабардор қилиб боради», — дейилади хабарда.

Эслатиб ўтамиз, Президент Шавкат Мирзиёев Тошкент шаҳрида экологик вазиятни яхшилашга қаратилган фавқулодда чора-тадбирлар тўғрисидаги фармонни имзолагaнди. Унга мувофиқ пойтахтдаги экологик муаммоларни ҳал этиш учун Махсус комиссия тузилган.