Халқ иродаси синовдан ўтган тун: Туркиядаги давлат тўнтаришига уриниш воқеаларига 9 йил тўлди

15 июль куни кечаси Туркия халқи мамлакатда ўз мустақиллигини ва эркинлигини сақлаб қолиш учун қўлларида юрт байроғини кўтарганича F террорчи гуруҳ ҳарбийларига қарши чиқиб, ўзлари сайлаган ҳукумат, давлат конституцияси ва халқ танклари тагига ётиб, ўз жонларини фидо қилишга тайёр эканликларини намоён қилди.

Ўша кечада 3 мингдан ортиқ инсонлар жароҳатланган, 250 дан ортиқ одамлар ҳалок бўлган эди.

Жорий йилнинг 15 июль куни Туркия Республикасининг Ўзбекистондаги элчихонасида мазкур кунга аталаган хотира кечаси бўлиб ўтди.

Тадбирда Туркия элчихона вакиллари ҳамда Ўзбекистонда фаолият юритаётган туркиялик бизнесмен ва ишбилармонлар ва икки мамлакат журналистлари иштирок этди.

Хотира кечасида Туркиянинг Ўзбекистондаги Фавқулодда ва Мухтор Элчиси Уфук Улуташ сўзга чиқди.

Фото: Tуркиянинг Ўзбекистондаги Фавқулодда ва Мухтор Элчиси Уфук Улуташ

"Тан олишимиз керакки, бу хиёнаткор тўнтариш ташаббуси Туркиянинг ўз хавфсизлигини ўрнатиш йўлидаги энг муҳим қадамлари – ҳарбий амалиётлари, терроризмга қарши курашдаги муваффақиятлари, мудофаа саноати ташаббуслари ва минтақанинг энг катта ва энг тўхтатувчи кучига айланиб, ўт ҳалқаси билан ўралган хавфсизлик оролига айланишида бурилиш нуқтаси бўлди. Чунки Туркия ўз заминида уя қурган бу ташкилотдан тозаланганида, катта хавфсизлик бошлиғи ёпилди, ўз юкларидан халос бўлди ва ижобий натижалари бугунги кунгача давом этаётган муҳим қадамлар қўйишга муваффақ бўлди", — деди элчи.

Эслатиб отамиз, Ўзбекистон мустақиллигининг дастлабки йилларида ФЕТО гуруҳи мамлакатимизда тадбиркорлик ва таълим муассасалари кўринишида ўзларининг миссияларини бажаришган эди.