Xalq irodasi sinovdan oʻtgan tun: Turkiyadagi davlat toʻntarishiga urinish voqealariga 9 yil toʻldi

15 iyul kuni kechasi Turkiya xalqi mamlakatda oʻz mustaqilligini va erkinligini saqlab qolish uchun qoʻllarida yurt bayrogʻini koʻtarganicha F terrorchi guruh harbiylariga qarshi chiqib, oʻzlari saylagan hukumat, davlat konstitutsiyasi va xalq tanklari tagiga yotib, oʻz jonlarini fido qilishga tayyor ekanliklarini namoyon qildi.

Oʻsha kechada 3 mingdan ortiq insonlar jarohatlangan, 250 dan ortiq odamlar halok boʻlgan edi.

Joriy yilning 15 iyul kuni Turkiya Respublikasining Oʻzbekistondagi elchixonasida mazkur kunga atalagan xotira kechasi boʻlib oʻtdi.

Tadbirda Turkiya elchixona vakillari hamda Oʻzbekistonda faoliyat yuritayotgan turkiyalik biznesmen va ishbilarmonlar va ikki mamlakat jurnalistlari ishtirok etdi.

Xotira kechasida Turkiyaning Oʻzbekistondagi Favqulodda va Muxtor Elchisi Ufuk Ulutash soʻzga chiqdi.

Foto: Turkiyaning Oʻzbekistondagi Favqulodda va Muxtor Elchisi Ufuk Ulutash

"Tan olishimiz kerakki, bu xiyonatkor toʻntarish tashabbusi Turkiyaning oʻz xavfsizligini oʻrnatish yoʻlidagi eng muhim qadamlari – harbiy amaliyotlari, terrorizmga qarshi kurashdagi muvaffaqiyatlari, mudofaa sanoati tashabbuslari va mintaqaning eng katta va eng toʻxtatuvchi kuchiga aylanib, oʻt halqasi bilan oʻralgan xavfsizlik oroliga aylanishida burilish nuqtasi boʻldi. Chunki Turkiya oʻz zaminida uya qurgan bu tashkilotdan tozalanganida, katta xavfsizlik boshligʻi yopildi, oʻz yuklaridan xalos boʻldi va ijobiy natijalari bugungi kungacha davom etayotgan muhim qadamlar qoʻyishga muvaffaq boʻldi", — dedi elchi.

Eslatib otamiz, Oʻzbekiston mustaqilligining dastlabki yillarida FETO guruhi mamlakatimizda tadbirkorlik va taʼlim muassasalari koʻrinishida oʻzlarining missiyalarini bajarishgan edi.