Arxangelskda oʻzbekistonlik ishchi halok boʻldi

Ishchi binoga tashqi tomondan qurilish asboblarini 5-qavatdan 6-qavatga koʻtarish jarayonida muvozanatni yoʻqotib, 5-qavat balandligidan beton plitasiga qulab tushgan.

Tibbiy yordam koʻrsatish uchun chaqirilgan tez yordam brigadasi reanimatsiya choralarini koʻrgan, ammo bu natija bermagan — ishchi voqea joyida halok boʻlgan.

Bu oxirgi ikki hafta ichida Arxangelsk viloyatida qurilish obʼektlarida sodir boʻlgan uchinchi oʻlim holati.

Avvalroq Severodvinskda kran haydovchisi halok boʻlgan, yana uch ishchi turli darajada tan jarohati olgan edi.

“Davlat mehnat inspektori huquqni muhofaza qiluvchi organlar bilan birga voqea joyiga chiqdi. Hozirda voqea sabablarini aniqlash va baholash uchun tegishli materiallar toʻplanmoqda”, dedi Arxangelsk viloyati va Nenets avtonom okrugi boʻyicha Davlat mehnat inspeksiyasi rahbarining oʻrinbosari Aleksandr Nazarov.