Rossiyada yangi tartib joriy etildi: yana migrantlar ziyoniga

Endi chetga chiqib kelgan holda qolish muddati «nollashtirilmaydi». Bu haqda TASS xabar berdi.

Vazirlik maʼlumotiga koʻra, koʻplab xorijiy fuqarolar Rossiyadan chiqib, qaytib kirish orqali oʻz migratsiya maqomini yangilash yoki qolish muddatini uzaytirish mumkin, deb oʻylaydi. Ammo bu notoʻgʻri tushuncha. Vizasiz rejimda Rossiyaga kirganlar mamlakatda bir yil ichida eng koʻpi bilan 90 kun qolishi mumkin.

«Bunday shaxslar haqidagi maʼlumotlar reyestrga kiritiladi», — deyiladi Migratsiya xizmati bayonotida.

IIV maʼlumotiga koʻra, xorijiy fuqaro «Nazorat qilinadigan shaxslar reyestri»ga kiritilgani haqidagi maʼlumot vazirlikning rasmiy saytida eʼlon qilinadi. Mazkur reyestr 2025 yil 5 fevraldan ishga tushgan boʻlib, unga Rossiya hududida noqonuniy ravishda boʻlib turgan barcha xorijliklar va fuqaroligi boʻlmagan shaxslar kiritiladi.

Reyestrga kiritilgan migrantlar qator davlat va ijtimoiy xizmatlardan foydalanish huquqidan mahrum etiladi. Ularga quyidagilar taqiqlanadi:

• nikohni roʻyxatdan oʻtkazish yoki ajrashish;
• bolalarni bogʻcha yoki taʼlim muassasalariga joylashtirish;
• transport vositasini boshqarish;
• bank kartalaridan foydalanish.(xorijlik Rossiyada 90 kun tura oladi. U 90 kun toʻlganda chiqib, keyin qayta kirsa, avval bu vaqt qaytadan noldan hisoblanardi — yaʼni yangi 90 kun boshlanardi.
  Endi esa IIV buni taqiqladi, yaʼni chiqib-kirgan bilan muddat noldan boshlanmaydi.