Britaniyaning “SandStone Global” kompaniyasi “ Treasures of Uzbekistan” filmini suratga olmoqda

Britaniyaning “SandStone Global” kompaniyasi Turizm qoʻmitasi bilan hamkorlikda “Treasures of Uzbekistan” (“Oʻzbekiston xazinalari”) loyihasini suratga olishni boshladi. 

Loyihaning suratga olish ishlari mashhur teleboshlovchi, shuningdek, qadimgi tarix bilan shugʻullanuvchi ingliz tarixshunos va yozuvchisi Bettani Hyuz  rahbarligida olib boriladi.

Suratga olish guruhi sarguzashtlarga boy sayohatga chiqib, mahalliy aholi va mutaxassislar bilan mustahkam aloqalar oʻrnatadi, Oʻzbekistonning noyob jahon merosini namoyish etadi, hamda tomoshabinlarni yurtimizning tarixiy va madaniy diqqatga sazovor joylari bilan tanishtiradi.

Maʼlumot uchun: “Dunyo xazinalari” jahonga mashhur hujjatli serial boʻlib, 120 dan ortiq mamlakatda tomoshabinlarni oʻziga jalb qilgan va 450 millionga yaqin tomoshabin toʻplagan. Filmlar milliy va xalqaro ommaviy axborot vositalarida keng qiziqish uygʻotmoqda va ijtimoiy tarmoqlarda oʻzining sodiq muxlislariga ega. 2023-yilda “Xazinalar” filmlarining dunyo miqyosidagi auditoriyasi 3,9 milliard kishini tashkil etdi.