Qozog‘istonda Navai’ga nisbatan jinoyat ishi tugatildi: u qanday jazo oldi?

Tengrinews.kz xabariga ko‘ra, jinoyat ishi huquqbuzarlik ilk bor sodir etilgani va reper qilmishiga chin dildan pushaymon bo‘lgani inobatga olinib, reabilitatsiya qilmaydigan asoslar bo‘yicha tugatilgan.

Navai Bakirov 13-oktyabr kuni Qirg‘izistondan Qozog‘istonga kirayotganida «Qorday» nazorat-o‘tkazish punktida qo‘lga olingan. U harakatlangan avtomobil tekshirilganda giyohvandlik vositasi aniqlangan. Shundan so‘ng reper vaqtincha saqlash izolyatoriga joylashtirilgan. 15-oktyabr kuni esa sud uni hibsga olishga sanksiya bergan.

Dastlabki tergov giyohvandlik vositalarini kontrabanda qilish va noqonuniy saqlash bilan bog‘liq ikki modda bo‘yicha olib borilgan.

16-oktyabr kuni Rossiyaning Olmaotadagi Bosh konsulxonasi reperning qo‘lga olinishi holatlariga izoh berishni so‘rab, Qozog‘iston Tashqi ishlar vazirligiga nota yuborgan.

Shuningdek, 14-oktyabr kuni Ostona shahrida Navai’ning yakkaxon konserti o‘tkazilishi rejalashtirilgan edi. Biroq chipta operatori konsert boshlanishiga to‘rt soat qolganida tadbir texnik sabablarga ko‘ra bekor qilinganini ma’lum qilgan.