Davlat xaridlarining elektron tizimi tashkil etiladi

Vazirlar Mahkamasining "Davlat xaridlarida axborot-kommunikatsiya texnologiyalaridan foydalanishni kengaytirish hamda davlat xaridlari elektron tizimi operatorlari faoliyatini yanada takomillashtirish boʻyicha qoʻshimcha chora-tadbirlar toʻgʻrisida"gi 476-son qarori qabul qilindi.

Hujjat bilan quyidagilarni belgilaydigan Davlat xaridlari elektron tizimi operatorlari toʻgʻrisidagi nizom tasdiqlandi:

davlat xaridlari elektron tizimini tashkil etish tartibi;

davlat xaridlari subʼektlarini davlat xaridlari elektron tizimida roʻyxatdan oʻtkazish qoidalari;

davlat xaridlari elektron tizimi operatorlari tomonidan qonunchilik talablariga rioya etilishini taʼminlash va dastlabki monitoringni oʻtkazish choralari.

Belgilanishicha 2025 yil 15 avgustdan boshlab:

eng yaxshi takliflar va arizalar tanlash natijalari boʻyicha shartnomalar davlat xaridlari elektron tizimida avtomatik tarzda shakllantiriladi, jismoniy shaxslar bilan tuziladigan fuqarolik-huquqiy shartnomalar bundan mustasno;

davlat xaridlarida elektron raqamli imzodan foydalangan holda qoʻlda yoziladigan shaklda tuziladigan shartnomalar elektron shaklda tuziladi, xorijiy yetkazib beruvchilar bilan tuziladigan shartnomalar bundan mustasno;

maxsus axborot portalida davlat xaridlari masalalari boʻyicha izohlar, takliflar va shikoyatlarni qoldirish uchun qayta aloqa tartibi joriy etiladi;

jamoatchilik muhokamasiga chiqarilgan bayonnomalar va tuziladigan shartnomalar yuzasidan kelib tushgan eʼtirozlar boʻyicha davlat buyurtmachilari tomonidan ularni koʻrib chiqish natijalari haqidagi maʼlumotlar (qabul qilingan tegishli qarorlar) davlat xaridlari sohasida nazorat qiluvchi organlar uchun ochilgan shaxsiy kabinetlarda aks ettiriladi.

Davlat xaridlarini amalga oshirishda ularning hajmini qismlarga boʻlib tashlashga yoʻl qoʻyilmaydi.