Ispaniya prokuraturasi Global Sumud flotiga hujum boʻyicha tergov oʻtkazadi

Prokuratura bayonotida qayd etilishicha, tergovning asosiy maqsadi — voqealar koʻlamini, ular sodir boʻlgan sharoitni aniqlash hamda xalqaro sudlar uchun dalillarni saqlab qolishdan iborat.

Bu doirada Ispaniya prokuraturasi quyidagi maʼlumotlarni soʻragan:

kemalar qaysi bayroq ostida harakatlangani; 

hujum sodir etilgan dengiz koordinatalari; 

bortdagi shaxslarning fuqaroligi; 

yuklar tarkibi; 

ispaniyalik fuqarolarga koʻrsatilgan konsullik yordami.

Maʼlumot oʻrnida, Ispaniya prokuraturasi Isroil armiyasining Gʻazodagi harakatlarini inson huquqlari va xalqaro gumanitar huquqning qoʻpol buzilishi sifatida baholashi mumkinligini tekshirish uchun 18 sentabrda ish qoʻzgʻatgan edi.

Ispaniya tashqi ishlar vaziri Xose Manuel Albares va mudofaa vaziri Margarita Robles esa Isroil tomonidan hibsga olingan Global Sumud flot aʼzolarini darhol ozod qilishga chaqirdi.