Fransiya Isroildan Global Sumud flotiliyasi qatnashchilarining xavfsizligini taʼminlashni soʻradi

Uning taʼkidlashicha, Isroil dengiz kuchlari flotiliyani oʻrab, hujum qila boshlagan. Barro oʻz bayonotida:

«Gʻazoga yoʻnalgan Global Sumud flotiliyasi Isroil hokimiyatlari tomonidan tekshiruv va hibsga olinishga duch kelmoqda. Fransiya Isroildan flotiliya qatnashchilarining xavfsizligini kafolatlashni, ularning konsullik himoyasi huquqini taʼminlashni va ularni ilk imkoniyatda Fransiyaga qaytarishni talab qiladi», — dedi.

Vazir shuningdek, flotiliyadagi fransuz fuqarolari oldindan ushbu hududga sayohat qilish mumkin emasligi haqida ogohlantirilganini eslatdi. Uning aytishicha, Fransiya oʻz fuqarolarining xavfsizligi uchun Isroil hokimiyatlari bilan aloqada.

Barro taʼkidlashicha, Fransiyaning mintaqadagi asosiy maqsadlari quyidagilardan iborat:

oʻt ochishni toʻxtatish;

HAMAS qoʻlidagi asirlarni ozod qilish;

keng koʻlamda gumanitar yordam yetkazilishini taʼminlash.

Shu munosabat bilan u flotiliya ishtirokchilaridan olib kelayotgan yordam yuklarini mahalliy gumanitar tashkilotlarga topshirishni soʻradi.