Isroil Eronga qarshi zabar berdi. Eron ham Isroilga qarshi dronlar orqali hujum qildi. AQSh kim tomonda?

Isroil rasmiylarining aytishicha, Isroil harbiy-havo kuchlari Erondagi yadroviy dastur va boshqa harbiy obʼektlariga aloqador oʻnlab nishonlarga zarba berdi. Hodisa oqibatida yadro boʻyicha 6 nafar olim va bir nechta harbiy generallar halok boʻlgan.

"Poytaxt Tehron va boshqa bir qancha shaharlarni nishonga olgan ushbu hujumlarda general-mayor Husayn Salamiy, Islom inqilobi qoʻriqchilari korpusi (IRGC) bosh qoʻmondoni, general-mayor Gʻulom Ali Rashid, Xatam al-Anbiya markaziy qarorgohi qoʻmondoni, yadroshunos olim Fereydun Abbosiy, Tehron universiteti prezidenti Mohammad Islomiy va Mohammad Islomiylar bor edi. qator fuqarolar bilan birga shahid boʻldi",- deyiladi Eron hukumatiga tegishli "Tasnim" axborot agentligi xabarida.

Eron poytaxti Tehronda kuchli portlashlar sodir boʻldi. Isroil favqulodda holat eʼlon qildi va havo hududini yopdi.

Isroil hujumidan soʻng Eron havo hujumi mudofaa tizimi shay holatga keltirildi va mamlakat rahnamosi Imam Ali Xomaniyni Erondagi barcha parvozlarni toʻxtatilishini maʼlum qildi.

U Isroildan buning uchun qasos olishini hamda Isroil “qattiq jazo” kutishi kerakligini taʼkidladi.

"Al Jazeera" telekanaliga koʻra, Eron hodisadan koʻp vaqt oʻtmay Eron Isroil tomon uchuvchisiz uchoqlarni uchirdi. Hisobotlarga koʻra, qoʻshni davlatlar, jumladan Iordaniya ham ularni oʻqqa tutmoqda.

Eron Qurolli kuchlari matbuot kotibi brigada generali Shekarchi Isroilning ushbu hujumi AQShning bevosita koʻmagida amalga oshirilganini aytib chiqdi.

Shundan soʻng, AQSh Davlat kotibi Marko Rubio Isroilning Eronga zarbalarida aloqasi yoʻqligini aytdi. Unga koʻra Donalʼd Tramp AQSh va Eronning yadroviy kelishuv boʻyicha muzokaralari davom etayotgan vaqtda Isroilning Eronni nishonga olishni istamasligini aytdi.