«Doʻstlik» chegara punktida katta reyd boshlandi

Chegara punktidagi 116 ta ayirboshlash shoxobchasidan 84 tasi litsenziyasiz faoliyat yuritgan. Avvalroq, Qirgʻiziston MXDQ va Markaziy bankning Osh boʻlimi tomonidan qonunbuzarlarga 17,5 ming som miqdorida jarima solingan, biroq ular faoliyatni davom ettirgan.

Shu sababli MXDQ Jinoyat kodeksining 218-moddasi, 2-qismi («Yirik miqyosda daromad olish bilan bogʻliq noqonuniy tadbirkorlik va bank faoliyati») boʻyicha jinoyat ishi qoʻzgʻatdi.

Tintuvlar davomida turli valyutadagi katta miqdorda naqd pullar musodara qilingan:
– 66,49 million som,
– 941 ming AQSh dollari,
– 3,635 milliard oʻzbek soʻmi,
– 3,53 million tenge,
– 66,73 million rubl,
– 170 somoni,
– 29,89 ming turk lirasi,
– 23,36 ming yevro,
– 53,92 ming yuan.

Hozirda barcha ayirboshlash shoxobchalari yopildi va muhrlandi.
MXDQ maʼlumotga koʻra, tergov harakatlari davom etmoqda, ish natijalariga koʻra huquqiy baho beriladi.