Qirgʻiziston sobiq prezidenti Atambayevning oʻgʻli qoʻlga olindi

Bu haqda mahalliy 24.kg nashri xabar berdi.

Qoʻlga olinganlar orasida:

– MXDQ Davlat qoʻriqlash xizmati sobiq rahbari Damir Musakeyev,
– Sotsial-demokratlar partiyasi yetakchisi Temirlan Sultonbekov,
– parlamentning sobiq deputatlari Shaylobek Atazov va Kubanichbek Qodirov ham bor.

Tergov ayblovlari

Ichki ishlar vazirligi maʼlumotiga koʻra, jami 10 nafar shaxs «parlament saylovlari yakunlari fondida ommaviy norozilik kayfiyati mavjud» degan tasavvur yaratish maqsadida mitinglar uyushtirishni rejalashtirgan. Ularga quyidagi ayblovlar qoʻyilmoqda:

– konstitutsiyaga zid talablarni ilgari surish;
– davlat binolari, telekanallar va kuch tuzilmalari obʼektlarini egallashga urinish;
– qoʻlga qurol-yarogʻ olish;
– tartibsizliklarga jinoyat olami vakillarini jalb qilish.

IIV xabariga koʻra, tintuvlar davomida qurol-yarogʻ, oʻq-dorilar, granatalar, aloqa vositalari, rejalar, moliyaviy hujjatlar, giyohvand moddalar va 150 ming dollar musodara qilingan.

Ushlanganlarga Qirgʻiziston Jinoyat kodeksining quyidagi moddalari boʻyicha ayblov eʼlon qilindi:

– 278-modda — «Ommaviy tartibsizliklarni tashkil etish» (7 shaxs);
– 326-modda — «Hokimiyatni zoʻrlik bilan egallash» (3 shaxs);
– shuningdek, 36-modda — «Jinoyatga tayyorgarlik koʻrish»;
– 41-modda — «Jinoyat ishtirokchilarining turlari».

Sud qaroriga koʻra, barcha gumonlanuvchilar 2026 yil 17 yanvargacha tergov izolyatorida qoladi.

Qirgʻiziston parlamentiga muddatidan oldingi saylovlar 30 noyabr kuni boʻlib oʻtadi. Ilgarigi rejaga koʻra saylov 2026 yil noyabrida oʻtkazilishi kerak edi, biroq 25 sentabr kuni deputatlar oʻz vakolatlarini muddatidan oldin topshirgan.