Qoʻshni Afgʻonistonda 3,5 milliondan ortiq bola toʻyib ovqatlanmaganligi uchun kasallikka chalinmoqda

Qayd etilishicha ushbu inqiroz inqiroz migrantlarning mamlakatga qaytish soning koʻpayishi va mavjud resurslarning kamayishi tufayli kundan-kunga chuqurlashib bormoqda.

"Ovqatlanish axborot tizimi maʼlumotlari shuni koʻrsatmoqdaki, ogʻir darajadagi oʻtkir toʻyib ovqatlanmaslikka chalingan 28 mingdan ortiq bola kasalxonaga yotqizilgan. Ular olti oygacha boʻlgan yoshda boʻlib, ularning 30 foizi faqat ona suti isteʼmol qilishi lozim boʻlgan yoshdadir. Shu bois, emizish toʻyib ovqatlanmaslikning oldini olishda hal qiluvchi ahamiyatga ega",  —  dedi UNICEFʼning Afgʻonistondagi ovqatlanish boʻlimi boshligʻi Amirhossein Yarparvar

Jamoat salomatligi vazirligi chaqaloqni dastlabki olti oy davomida faqat ona suti bilan oziqlantirish goʻdaklar oʻlimining 50 foizigacha kamaytirishga yordam berishi mumkinligini aytmoqda.

Jamoat sogʻliqni saqlash vazirligining profilaktik tibbiyot boʻyicha direktori Haydarxon Haydar iqtisodiyot, savdo va moliya vazirliklari oʻzlarining ommaviy kampaniyalarida boshqa sut mahsulotlarini reklama qilish oʻrniga emizishni targʻib qilishlari kerakligini aytmoqda.

Uning aytishicha, bunday hamkorlik sogʻlom jamiyat qurishda muhim ahamiyatga ega.

Vazirlik vakillarining maʼlumotlariga koʻra, hozirgacha ogʻir va oʻrtacha darajadagi toʻyib ovqatlanmaslikdan aziyat chekayotgan ikki milliondan ortiq bola mamlakat shifoxonalarida davolangan. Eron va Pokistondan afgʻon muhojirlarining har doimgidan koʻproq mamlakatga qaytishi sogʻliqni saqlash va ovqatlanish xizmatlariga boʻlgan ehtiyoj har qachongidan ham ortib bormoqda.