Sinoptiklar Rossiyada rekord darajadagi qattiq qish kuzatilishini prognoz qilmoqda

Rossiya hududida yaqinlashayotgan qish favqulodda sovuq va kuchli yogʻingarchiliklar bilan kechishi mumkin. Bu haqda “Novosti Mail” xabar berdi.

Ural mintaqasida harorat –40°C darajagacha tushishi, qor boʻronlari kuzatilishi va yogʻingarchilik 350 millimetr atrofida boʻlishi mumkin.
Krasnoyarsk oʻlkasi hamda Novosibirsk viloyatida esa qariyb 900 millimetrgacha qor yogʻishi, haroratning –38°C gacha pasayishi prognoz qilinmoqda.

Uzoq Sharq uchun ham sovuq ssenariy kutilmoqda:

• Primoreda ayrim hududlarda –35°C,
• Kamchatka va Magadanda –32°C,
• Yogʻingarchilik 450 millimetrdan oshishi,
• Shamol tezligi soniyasiga 30 metrgacha yetishi mumkin.

Sinoptiklarning yuqori ehtimolli ssenariysiga koʻra, kelayotgan qish Rossiyada oʻtgan yilgi mavsumdan ancha sovuq boʻladi.

Maʼlumotlarga koʻra, Skandinaviya hududida allaqachon qutbiy sovuq oqimi shakllanib, anomal sovuqlik toʻlqini boshlangani qayd etilgan.