Tolibon erkak şifokorlarning ayollarni davolaşini çeklamoqda

Afğonistonda Tolibon erkak şifokorlarning ayol bemorlarni davolaşiga nisbatan çeklovlarni kuçaytirmoqda. Mamlakatning bir qator hududlarida erkak şifokorlarga ayollarni erkak qarindoşi — mahram iştirokisiz körikdan ötkaziş va davolaş taqiqlangan. Bu haqda The Guardian va Zan Times naşrlari bemorlar hamda tibbiyot xodimlari bilan ötkazgan suhbatlariga tayanib xabar berdi.

Naşr ma’lumotlariga köra, çeklovlar ayrim hududlarda stomatologlarga ham tatbiq etilmoqda. Tolibon xavfsizlik kuçlari xususiy klinikalarda tekşiruvlar ötkazib, ayol bemorlarni qabul qilgan erkak stomatologlarni qamoqqa oliş bilan ogohlantirayotgani aytilgan.

Şifokorlar bildirişiça, mahramsiz kelgan ayol bemorlarni hatto şoşilinç holatlarda ham körikdan ötkazişga ruxsat berilmayapti. Ayrim holatlarda tibbiy muolajalarni faqat ayol hamşiralar bajarişi yoki bemor yonida erkak qarindoşi bölişi talab qilinmoqda.

Afğoniston şimolidagi davlat şifoxonalaridan birida 15 yildan beri işlayotgan jarroh Samimning aytişiça, bemorning ahvoli qançalik oğir bölişidan qat’i nazar, mahramsiz ayolni bevosita körikdan ötkaziş mumkin emas.

Ayol şifokorlar yetişmovçiligi muammoni kuçaytirmoqda

Afğonistonda ayol şifokorlar yetişmasligi mavjud çeklovlarning oqibatlarini yanada oğirlaştirmoqda. 2024 yil dekabridan boşlab Tolibon ayollarning tibbiy ta’lim muassasalarida tahsil olişini ham taqiqlagan. Şuningdek, şifoxonalarda ayol xodimlarni işga qabul qilişga tösqinlik qilinayotgani haqida ma’lumotlar bor.

Natijada ayollar oldida bir neçta qiyin tanlov qolmoqda: malakali ayol şifokorni topiş, çeklovlarga qaramay erkak mutaxassisga murojaat qiliş yoki tibbiy yordamdan voz keçiş.

Naşr keltirgan ma’lumotlarga köra, Balx viloyatidagi tibbiyot muassasalariga ayol bemorlarning ismlarini aytmaslik va tibbiy hujjatlarda ularning ismi örniga «Bibi» sözini işlatiş haqida körsatma berilgani ham xabar qilingan.