Ukraina AQŞ iltimosiga köra Rossiya portidan foydalanayotgan tankerlarga hujumlarni töxtatdi

Ukraina AQŞ vitse-prezidenti J.D. Vensning iltimosidan söng Rossiyaning Qora dengizdagi Novorossiysk portidan foydalanayotgan neft tankerlariga dronlar hujumini töxtatdi, deb xabar berdi Financial Times.

Naşrning yozişiça, Qozoğistondan portdagi Kaspiy quvur yöli konsorsiumi (KQK) terminaliga neft olib ötayotgan tankerlarni Ukrainaning nişonga olişi natijasida neft bozorlari beqarorlaşib, AQŞ firmalariga ham zarar yetgan.  

Ukraina KTK infratuzilmasi yoki Rossiyaga tegişli bölmagan kemalarga – agar ular Ukraina sanksiyalari ostida bölmasa va Rossiya nefti yoxud yuklarini taşimayotgan bölsa – hujum qilmasligini bildirgan.

Kiyevning ta’kidlaşiça, Ukraina kuçlari Rossiyani öz armiyasini moliyalaştiriş resurslaridan mahrum qiliş maqsadida energetika infratuzilmasi va boşqa obyektlariga zarbalarni kuçaytirmoqda.

Qora dengizdagi dron hujumlari Qozoğiston va Ğarbdagi neft kompaniyalari savdosiga ta’sir körsatmay qolmadi: iyul oyida KTK neft yuklamalarining beşdan bir qismi töxtadi.

Xom neft eksporti uçun KTK quvuriga tayanadigan Qozoğistonda iyul oyida neft qazib oliş iyun oyiga nisbatan 14 foizga kamaygan. U yerda Çevron (CVX.N) va Exxon Mobil (XOM.N) kabi yirik Ğarb neft kompaniyalari faoliyat yuritadi.

AQŞ rasmiysi Reuters naşriga tasdiqlaşiça, ma’muriyat Ukrainani Qora dengizda Rossiyaga tegişli bölmagan kemalarga hujum qilmaslik haqida ogohlantirgan.