Magistrlar uchun mandat qachon chiqishi ochiqlandi

Oʻzbekiston qonunchiligiga koʻra, magistraturaga topshirgan talabalarning mandat javobi 20 avgustdan kechikmay eʼlon qilinishi hamda 25 avgustga qadar davlat grantlari boʻyicha talabalar safiga qabul qilish haqidagi rektorlarining buyruqlarini rasmiylashtirish kerak edi. Ammo qonunda belgilanib qoʻyilsa ham bu amalda tasdigʻini topmayapti.

PARADIGMA.uz mazkur holat yuzasidan aniqlik kiritish maqsadida Oliy taʼlim, fan va innovatsiyalar vazirligiga bogʻlandi.

“Masʼullarga koʻra, magistratura natijalari toʻliq tayyor holga keltirilgan. Bugun eʼlon qilinishi kutilmoqda. 2 kun oldin texnik xatolik sabab saytda ayrim natijalar koʻrinib qolgan. Ammo ushbu natijalar asliga toʻgʻri emas va haqiqiy hisoblanmaydi. Bugun chiqadigan yakuniy natija 2 kun oldin saytda koʻringandan boshqacha boʻlishi mumkin”, deydi Oliy taʼlim matbuot xizmati masʼuli.

Yuqorida taʼkidlanganidek, magistratura natijalari bugun 28 avgust kuni eʼlon qilinadi.  Bu qay darajada haqiqatga toʻgʻri kelishini kun davomida bilib olamiz.