Belgiya Falastin davlatini tan oladi, Isroilga sanksiyalar joriy etadi

Belgiya bu qadam bilan Buyuk Britaniya, Fransiya, Kanada va Avstraliya qatoriga qoʻshiladi.
Isroilga nisbatan sanksiyalar paketini joriy etish rejalashtirilgan. Jumladan:

Gʻarbiy sohildagi yahudiy posyolkalaridan importni taqiqlash,

Xalqaro sud jarayonlarini yoʻlga qoʻyish imkoniyati.

Isroil hukumati hozircha bu qarorga munosabat bildirmadi. Ammo avvalroq TIV Buyuk Britaniya rejasini «HAMAS uchun mukofot» deb baholagan edi.

Eslatib oʻtamiz, joriy yil mart oyiga qadar BMTning 193 aʼzosidan 147 tasi Falastinni davlat sifatida tan olgan. Irlandiya, Ispaniya va Norvegiya esa bu qarorni oʻtgan yiliyoq qabul qilgan edi.

Shu bilan birga, Isroil moliya vaziri Betsalel Smotrich Gʻarbiy sohilda yangi turar-joy posyolkasi qurilishini eʼlon qilib, «bu Falastin davlati gʻoyasini butunlay yoʻq qiladi» deya bayonot berdi.