BMT: AQŞning narkokema hujumlari insoniyatga qarşi jinoyat

BMTning terrorizmga qarşi kuraş va inson huquqlari bóyiça maxsus ma'ruzaçisi Ben Saul hisobotida AQŞ küçlari 2025 yil sentyabridan 2026 yil avgustiga qadar xalqaro suvlarda 68 ta kemani nişonga olgani va kamida 223 kişi halok bólgani qayd etilgan.

AQŞ hükümati hujumlarni «narkoterrorçilar»ga qarşi ózini himoya qiliş çorasi sifatida izohlagan. AQŞ prezidenti Donald Tramp Kongressga operatsiyalar terrorçi deb belgilangan taşkilotlar bilan qurolli mojaro doirasida amalga oşirilayotganini bildirgan.

Biroq Ben Saul hisoboti bu asoslarni rad etadi. Hisobotda giyóhvand moddalar savdosi xalqaro huquq nuqtai nazaridan ózini himoya qiliş huquqini qóllaş üçün zarur bólgan «qurolli hujum» mezoniga javob bermasligi ta'kidlangan.

Ekspertning xulosasiga kóra, hujumlar insonning yaşaş huquqini buzişi va tizimli hamda keng kólamda amalga oşirilgani isbotlansa insoniyatga qarşi jinoyatlar qatoriga kirişi mumkin.

Hisobotda AQŞni uşbu hodisalarni tergov qiliş, mas'ul şaxslarni javobgarlikka tortiş va jabrlanganlar oilalariga tovon tólaşga çaqirilgan.