AQSh BMTning oziq-ovqat dasturiga 800 million dollar yordam ajratdi

Birlashgan Millatlar Tashkilotining Jahon oziq-ovqat dasturi chorshanba kuni AQSh prezidenti Donald Tramp ma’muriyati ajratgan 800 million dollarlik yordam mablag‘larini qabul qilganini ma’lum qildi.

Ushbu mablag‘lar global ochlik rekord darajaga yetgan va bu yil ocharchilikka duchor bo‘lganlar soni ortishi kutilayotgan bir paytda inqirozlarga tezkorlik bilan javob qaytarishga yordam beradi.

AQSh Jahon oziq-ovqat dasturining eng yirik donori hisoblanadi, biroq uning hissasi 2024-yildan 2025-yilgacha bo‘lgan davrda ikki baravardan ko‘proqqa kamayib, taxminan 2 milliard dollarni tashkil etgan.

Jahon oziq-ovqat dasturi yangi moliyalashtirish Livan, Gaiti va Kongo Demokratik Respublikasi kabi inqirozga uchragan hududlarda oziq-ovqat zaxiralarini oldindan joylashtirish, pul ko‘rinishidagi yordam dasturlarini kengaytirish hamda ta’minot zanjirlarini saqlab qolish imkonini berishini ta’kidladi.

2025-yilda AQSHning BMTga gumanitar yordami katta xarajat qisqarishlari natijasida bir yil avvalgi 14,1 milliard dollardan qariyb 3,38 milliard dollargacha kamaydi.

16-iyun kuni AQSH Davlat departamenti UNICEFga ham 218 million dollar yordam ajratilishini e’lon qildi.