Pezeshkian BMT minbarida: «Eron terrorizm qurboni»

Pezeshkian AQSh prezidenti Donald Trampning Eronni terrorizmning asosiy homiysi sifatida tanqid qilgan bayonotlarini rad etib, «Eron terrorizm qurboni» ekanini ta’kidladi. U nutq vaqtida halok bo‘lgan eronlik bolalar va Oliy rahbar Ali Xomanaiyning suratlarini ko‘rsatdi.

Eron prezidenti mamlakat yadroviy qurol yaratishga intilmayotganini, biroq tinch maqsadlardagi yadroviy texnologiyalardan voz kechmasligini bildirdi. Shuningdek, u Isroilning yadroviy salohiyati va Eronga nisbatan xalqaro nazorat masalasida «ikki xil standart» mavjudligini aytdi.

Pezeshkian Hormuz bo‘g‘ozi masalasida ham Tehron o‘z manfaatlarini cheklashga urinishlarni qabul qilmasligini bildirdi.

U Eron tashqi bosim ostida taslim bo‘lmasligini, biroq o‘zaro hurmat asosida diplomatik muzokaralarga tayyor ekanini ta’kidladi.

Pezeshkian nutq so‘zlayotgan vaqtda AQSh delegatsiyasi BMT Bosh Assambleyasi zalini tark etdi. AQSh va Isroil vakillari Eron prezidentining bayonotlarini tanqid qildi.

Muallif: Hasanboy OCHUN