Navoiyda qurilishda ishlatilayotgan sifatsiz metall list mahsuloti aniqlandi

Xarid jarayonida Xitoyda ishlab chiqarilgan issiq poʻlatdan tayyorlangan ruhlangan metall list mahsuloti tanlab olinib, akkreditatsiyadan oʻtgan sinov laboratoriyasida tekshiruvdan oʻtkazildi.

Olib borilgan tahlillar natijasida mahsulot tegishli standartlarga javob bermasligi aniqlandi.

Mutaxassislarning taʼkidlashicha, bunday sifatsiz mahsulotlardan foydalanish quyidagi xavf-xatarlarni keltirib chiqaradi:

-qisqa fursatda korroziyaga uchrashi va yaroqsiz holatga kelishi;

-shamol hamda tashqi taʼsirlarga chidamsiz boʻlishi;

-bino konstruksiyalarining barqarorligiga putur yetkazishi;

-qurilish obʼektlarining xizmat muddatini keskin qisqartirishi.

Mazkur mahsulotlarni realizatsiya qilayotgan tadbirkorlarga nisbatan tegishli choralar koʻrilishi uchun mutasaddi idoralarga murojaat yuborildi va masala nazoratga olindi.