Oʻzbekiston va Rossiya hamkorlikni yanada chuqurlashtiradi

Yigʻilishda parlamentlararo hamkorlikni kengaytirish, hududlararo aloqalarni rivojlantirish, savdo-iqtisodiy, agrar, taʼlim va gumanitar sohalardagi munosabatlarni yanada chuqurlashtirish masalalari muhokama qilindi.

Maʼlumotlarga koʻra, joriy yilning yanvar–iyul oylarida ikki davlat oʻrtasidagi oʻzaro savdo hajmi 6,5 foizga oshgan, shu davrda Oʻzbekistonning Rossiyaga eksporti 17 foizga oʻsgan.

Shuningdek, ekologik toza qishloq xoʻjaligi mahsulotlarini Rossiya bozoriga yetkazib berish, transport va logistika tizimini takomillashtirish, sayyohlik almashinuvini kengaytirish hamda gumanitar sohalarda qoʻshma dasturlarni amalga oshirish masalalariga alohida eʼtibor qaratildi.

Bugungi kunda Oʻzbekistonda Rossiyaning 14 ta yetakchi oliy taʼlim muassasasi filiallari faoliyat yuritmoqda. Ularda 20 mingdan ortiq talaba tahsil olmoqda.