Parij-2024: Finalda toʻqnashadigan futbol jamoalari maʼlum boʻldi

Birinchi oʻyinda Afrika qitʼasi chempionlari oʻyinni ustunlik bilan boshladi va ular tomonidan oʻyinning 37-daqiqasida raqib darvozasiga gol kirgizildi. Gol oʻtkazib yuborgan ispanlar esa, oʻyinning 65 hamda 85-daqiqalarida javob gollarini qaytardi.

Ikkinchi yarim final bahsi mezbon Fransiya va Afrikaning boshqa bir jamoasi — Misr olimpiyachilari oʻrtasida boʻlib oʻtdi. Oʻyin mezbonlarning yaqqol ustunligi bilan boshlandi. Birinchi taymda jamoalar murosali oʻyin koʻrsatgan boʻlsa, ikkinchi taymda Misr vakillari birinchi boʻlib hisobni ochdi. Bu safar jamoa yetakchisi Mahmud Sabir katta sahnaga chiqdi. Oradan biroz vaqt oʻtgach, Fransiya vakili Jan-Filipp Mateta hisobni tenglashtirdi.

Oʻyinning asosiy vaqti 1:1 hisobida yakunlandi. Ekstra taymlarda jismoniy tayyorgarlik ustunlik qildi. Dastlab Fransiya sharafini himoya qilayotgan  futbolchi Matetaning oʻzi raqib darvozasiga ikkinchi golni kiritgan boʻlsa, Maykl Olise oradagi farqni ikkitaga oshirdi va fransuzlarga final yoʻllanmasini tuhfa qildi. 

Natijalardan maʼlumki, finalda Fransiya va Ispaniya ishtirokidagi oʻyin kuzatiladi. Bronza medallari uchun bahsda Afrikaning ikki Olimpiya terma jamoasi — Misr va Marokash ishtirokidagi oʻyinning guvohi boʻlish mumkin. Uchinchi oʻrin uchun bahs 8 avgust Toshkent vaqti bilan soat 20:00 da start oladi. Final uchrashuvi 9 avgust soat 21:00 da boshlanadi.