Shimoliy Koreya Kurskni tiklash uchun Rossiyaga ishchi yuboradi

Shoyguning aytishicha, Shimoliy Koreyadan Kursk viloyatiga ming nafar sapyor va besh ming nafar harbiy quruvchi keladi.

Bundan tashqari, Rossiyada Kursk uchun janglarda halok boʻlgan KXDR askarlariga bagʻishlangan yodgorliklar ochiladi.

Rossiya Federatsiyasi Xavfsizlik kengashi kotibi, shuningdek, joriy safarda asosiy eʼtibor xavfsizlik masalalarini muhokama qilishga qaratilganini taʼkidladi.

Bundan tashqari, 17 iyun kuni Shoygu Koreya Mehnat partiyasi Markaziy harbiy qoʻmitasi raisi oʻrinbosari Pak Jong Chon bilan kengaytirilgan ishchi maslahatlashuv uchrashuvlarini oʻtkazdi.

Eslatib oʻtamiz, fevral oyi boshida "Yonhap" axborot agentligi ham razvedka maʼlumotlariga tayanib, ishchi kuchi tanqisligi sharoitida Pxenyan minglab ishchilarini Rossiyaga yuborgani haqida xabar bergan edi.

Maʼlumot uchun, Xavfsizlik kengashi kotibi Shoyguning Shimoliy Koreyaga soʻngi uch oy ichida uchinchi marotaba tashrifidir. U oxirgi marta 4 iyun kuni KXDRga kelgan edi.

2017 yilda BMT barcha davlatlardan Shimoliy Koreya ishchilarini vataniga qaytarishni va kelajakda ularni ishga olmaslikni talab qiluvchi rezolyutsiyani qabul qildi. Shimoliy Koreya qonunchiligiga koʻra, xorijdagi shimoliy koreyaliklar ish haqining 70 foizini davlatga oʻtkazishi shart, sanksiyalar shu bilan bogʻliq. BMT rezolyutsiyasida qayd etilishicha, KXDR rasmiylari bu daromadni yadro quroli va ballistik raketalarni yaratish dasturlariga sarflaydi.