Ukraina va Rossiya oʻrtasidagi urush Kursk viloyatiga koʻchdi

Rossiya Mudofaa vazirligining maʼlumotiga koʻra, ushbu hujum oqibatida taxminan 300 nafar ukrainalik harbiy xizmatchi, 11 ta tank va 20 dan ortiq zirhli jangovar texnika Rossiya hududiga kirgan. Hujum Rossiya qoʻshinlari tomonidan qaytarilgan.

Rossiya prezidenti Vladimir Putin bu hujumni "katta provokatsiya" deb atadi va Kursk viloyatida favqulodda holat eʼlon qilindi. Rossiya rasmiylari ushbu hujum davomida 5 kishi halok boʻlganini va 24 kishi yaralanganini maʼlum qildi. 

Ammo Ukraina hujumlarni rasman tasdiqlamagan boʻlsa-da, Rossiya matbuotida hujum haqida keng maʼlumotlar tarqalmoqda.

Bu hujum Kursk viloyatidagi Kursk atom elektr stansiyasiga yaqin hududdan boshlangan. Hujumni bartaraf etish hamda Kursk atom elektr stansiyasini qoʻriqlash maqsadida Rossiya Milliy Gvardiyasidan qoʻshimcha kuchlar yuborilgan.