AQSh Oʻzbekistondan foydalanmoqchi

Qayd etilishicha,  AQSh hukumati tomonidan tayyorlangan hujjatlarni Oʻzbekiston hukumati rasmiy bu taklifni rad etmagan.

"Holat siyosiy nozikliklarga olib kelishi mumkinligini tan olgan AQSh rasmiysi, ushbu kelishuvni amalga oshirish uchun mamlakatlar rahbarlari oʻrtasida qoʻngʻiroq yoki boshqa yuqori darajadagi uchrashuv kabi “aniq imtiyozlar” taklif etilishini bildirdi", deyiladi maqolada.

AQSh rasmiylariga koʻra, Qoʻshma Shtatlar Oʻzbekiston bilan bunday harakatlar olib borishda ehtiyotkorlik bilan ish tutishi kerak. Chunki uchinchi davlat fuqarolarining Oʻzbekistonning qabul qilishi baʼzi muammolarni keltirib chiqarishi mumkin. 

Shuningdek, "bizning raqiblarimiz, ayniqsa Xitoy va Rossiya" tomonidan tobora chuqurlashib borayotgan ikki tomonlama hamkorlikni izdan chiqarish uchun foydalanilishi mumkinligi haqida ogohlantirgan. 

"Washington Post" mazkur holat yuzasidan Oʻzbekistonning AQShdagi elchixonasiga soʻrov yuborgan lekin elchixona javob bermaganini yozmoqda. 

PARADAIGMA.UZ mazkur holatga aniqlik kiritish uchun Tashqi ishlar vaziri matbuot kotibi Ahror Burhonovga bogʻlandi. Burhonovga koʻra, hozir uning qoʻlida bunday maʼlumot mavjud emas. 

AQSh hukumat tepasiga Donald Tramp kelganidan soʻng AQSh Oʻzbekiston munosabatlari iliqlashayotganini aytish mumkin. 

Eslatib oʻtamiz, joriy yilning 30 aprel kuni Oʻzbekiston AQShdan deportatsiya qilingan 131 nafar shaxsni qabul qilgan edi. Ular orasida oʻzbekistonliklardan tashqari 19 nafar qozogʻistonlik va 20 nafar qirgʻizistonlik boʻlgan.