Tramp: Eronga qarshi jiddiy choralar ko‘ramiz

Tramp seshanba kuni Alyaska shtatining Vasilla shahrida Respublikachilar partiyasi nomzodlarini qo‘llab-quvvatlash uchun o‘tkazilgan saylovoldi mitingida Eronga qarshi keyingi harakatlar haqida gapirdi.

“Eronga nisbatan nima qilishimizni ko‘ring. Biz jiddiy choralar ko‘ramiz”, – dedi AQSh prezidenti. 

U Tehron yadro quroliga ega bo‘lmasligi kerakligini yana bir bor ta’kidladi.

Trampning bayonoti Axios nashri AQSh prezidenti va Isroil bosh vaziri Binyamin Netanyaxu Eron bilan bog‘liq yangi yirik operatsiyani muhokama qilgani haqida xabar berganidan keyin yangradi.

Nashr ikki nafar amerikalik rasmiy va masaladan xabardor boshqa manbalarga tayanib, muhokama AQShda oraliq saylovlar oldidan Eronga zarba berilmasligi haqida Trampning ochiq bayonotidan avval bo‘lib o‘tganini yozdi.

AQSh Kongressi uchun oraliq saylovlar 3-noyabrga belgilangan.