Shaxmat Olimpiadasida oʻzbekistonliklar Isroilni magʻlub etdi

Bu turda Oʻzbekiston erkaklar terma jamoasi isroillik shaxmatchilarga qarshi dona surib, 2,5-1,5 hisobida gʻalaba qozongan boʻlsa, ayollar terma jamoasi Niderlandiya bilan 2:2 hisobidagi durang natijani qayd etdi. 

Oʻzbekiston erkaklar terma jamoasidan Nodirbek Abdusattorov raqibi Maksim Rodshteynni, Nodirbek Yakubboyev raqibi Ido Gorshteynni 1:0 hisobiga yengdi. Javohir Sindorov esa raqibi Tamir Nabatiga imoniyatni boy berdi. Shamsiddin Vohidov isroillik Ilya Smirin bilan durang oʻyin koʻrsatdi.

Oʻzbekiston ayollar terma jamoasidan Afruza Hamdamova raqibi Eline Roberts, Nilufar Yakubboyeva raqibi Jaokin Peng bilan kechgan oʻyin durang natija bilan yakunlandi. Umida Omonova raqibi Machteld Van Forestga imoniyatni boy berdi. Nodira Nodirjonova esa Anna-Maya Kazaryanni 1:0 ga magʻlub etdi.

Oltinchi turdan soʻng Oʻzbekiston erkaklar terma jamoasi umumjamoa hisobida 5-oʻrinda bormoqda. Ayollar terma jamoasi esa 9 ball toʻplab 170 davlat ichida 15-oʻrinda bormoqda.