Surxondaryoda YTH oqibatida toʻrt yigit halok boʻldi

3 iyul kuni Surxondaryo viloyati Oltinsoy tumanida sodir boʻlgan yoʻl-transport oqibatida 4 nafar yigit halok boʻlgan. Bu haqda Milliy telekanalida xabar berildi.

Maʼlum boʻlishicha, 2006 yilda tugʻilgan yigit haydovchilik guvohnomasiga ega boʻlmasdan 4 nafar sinfdoshi bilan Gentra avtomashinasini boshqargan.

Haydovchi rul boshqaruvini yoʻqotishi sababli yoʻl chetidagi beton toʻsiqqa kelib urilgan. Hodisa oqibatida faqat haydovchi omon qolgan. Avtomobil uning oʻziga tegishli boʻlmagan – avtomobil egasi mashinani unga yuvib kelishi uchun bergan.

«Tezlik kerak emas ekan. Avtomobilning egasi menga yuvib kelgin, deb bergandi. Baloni yorilib ketdimi, bilmay qoldim, rul oʻng tomonga tortib ketdi», – dedi haydovchi.