Surxondaryoda yuzdan ortiq "ota" qidiruvga berildi

Xabarga koʻra, Surxondaryo viloyatida 458 nafar aliment toʻlashdan boʻyin tovlab kelayotgan qarzdorlarga nisbatan qidiruv eʼlon qilinib, joriy yilda 236 nafar qarzdor fuqarolar qoʻlga tushgan. 

Shuningdek, hozirda qidiruv eʼlon qilingan aliment toʻlovchi qarzdorlarning 115 nafari sud hujjati ish yurituvga qabul qilinishidan avval chet davlatlarga chiqib ketganligi aniqlangan. Ularga nisbatan davlatlararo qidiruvni amalga oshirish boʻyicha xalqaro shartnomalar asosida soʻrovnomalar yuborilgan. 

Bundan tashqari, birgina joriy yilning sentabr oyida sud va boshqa organlarning ijro hujjatlariga asosan qarzdor jismoniy va yuridik shaxslarga tegishli boʻlgan 239 ta avtotransport vositalariga nisbatan qidiruv eʼlon qilingan. Shulardan 85 ta avtomashina xatlovga olinib, vaqtincha saqlash uchun jarima maydonchalariga joylashtirilgan.