Tez yordamga 13,5 milliondan ortiq chaqiriq tushdi — SSV

Uning soʻzlariga koʻra, chaqiruvlarning aksariyati, yaʼni 9 million 695 ming 302 tasi shoshilinch koʻrsatma bilan, shuningdek, surunkali kasalliklar — 3 million 399 ming 379 ta va tugʻuruqlar — 91 ming 447 tani tashkil qilgan. 

Eng koʻp murojaat Fargʻona viloyati (1 405 259 ta), Toshkent shahri (1 395 854 ta), Andijon viloyati (1 359 389 ta), Toshkent viloyati (1 260 608 ta) hamda Surxondaryo viloyatiga (1 223 981 ta) toʻgʻri keladi. 

Eng kam chaqiriq Navoiy viloyati (401 762 ta), Sirdaryo viloyati (454 455 ta), Jizzax viloyati (548 238 ta) va Buxoro viloyatida (649 134 ta) hamda Xorazm viloyatida (662 239 ta) kuzatilgan. 

Maʼlumot oʻrnida, Oʻzbekistonda hozirgi kunda tez yordam xizmatida jami 2 857 ta tibbiy brigada faoliyat olib bormoqda.