Mototsiklchi tirbandlikda tez yordam mashinasiga yoʻl ochib berdi

Haydovchining aytishicha, yoʻlni boʻshatish uchun u yoʻl harakati qoidalarini buzib, boshqa haydovchilardan tez yordamni oʻtkazishni talab qilib, ovozini koʻtarishga majbur boʻlgan.

“Kecha yoʻlda favqulodda holat yuz berdi. Men tez yordam mashinasiga yoʻl ochdim. Odamlarga baqirdim (hammaning oldida uzr soʻrayman), hatto yoʻl harakati qoidalarini ham buzdim. Lekin bitta narsa: inson hayoti uchun vaqt yoʻqotib boʻlmaydi. Hatto bir daqiqa ham kimningdir hayotini saqlab qolishi mumkin”, — degan mototsiklchi.

Erkakning bu harakati ijtimoiy tarmoqlarda har bir soniya hisobli boʻlgan ogʻir vaziyatlarda qanday harakat qilish kerakligiga ibrat sifatida baholandi.