Tomorqasida ekin ekmaganlar uch barobar qimmat soliq toʻlaydi

Qayd etilishicha, aholi tomorqasi va ijaraga berilgan yer maydonlaridan samarali foydalanish boʻyicha hokim yordamchisi tomonidan har chorakda oʻrganish olib boriladi. 

Oʻrganish davomida xonadondagi tomorqa va ijara yerlarida ekin ekilmagan va qarovsiz qoldirilgan boʻlsa quyidagi choralar qoʻllaniladi:

— Tomorqa yer egalari va dehqon xoʻjaliklariga davlat dasturlari doirasida imtiyozli kreditlar ajratilmaydi;

— Ijtimoiy himoya yagona reyestriga kiritilgan fuqarolar uchun nazarda tutilgan imtiyozlar toʻxtatiladi;

— "Onlayn mahalla" elektron platformasi maʼlumotlari asosida ekin ekilmaganligi aniqlangan yil uchun yer soligʻi stavkasi uch karra yuqori miqdorda hisoblanadi. 

Ammo bu tartib qaysi hujjatda asoslangani Milliy axborot agentligi tomonidan berilgan xabarda keltirilmagan.