Toshkentda yongʻin oqibatida 74 yoshli keksa halok boʻldi

Qayd etilishicha, voqea soat 02:13 da tumanning "Chinobod" MFY Sagʻbon 30-berk koʻchasida joylashgan 5-uydagi xonadonlarning birida yuz bergan. Yongʻin-qutqaruv ekipajlari mazkur hududga yetib borib, yongʻinni bartaraf etishgan.

"Yongʻin oqibatida xonadonning taxminan 10 kv.m. maydondagi ichki qismi yonib zararlangan. Bundan tashqari, xonadonda yashovchi 1950 yilda tugʻilgan fuqaro halok boʻlgan", deyiladi FVB xabarida.

Marhumning oila aʼzolarining soʻzlariga koʻra, 74 yoshli fuqaro insult kasalligiga uchragan va shu sababli harakatlana olmaganligi uchun oxirgi yillari oila aʼzolari nazoratida yotoq holatida boʻlgan. 

Hozirda yongʻin sababi va moddiy zarar miqdorini aniqlash boʻyicha surishtiruv ishlari olib borilmoqda. 

Eslatib oʻtamiz, joriy yilning 16 oktabr kuni ham Toshkentning markaziy qismida joylashgan "Miran International" mehmonxonasida yongʻin yuzaga kelgan edi.