Трампнинг Ғазо бўйича режаси БМТ томонидан маъқулланди

Режа доирасида Халқаро барқарорлаштириш кучлари (ISF) тузилади. Улар Исроил ва Миср билан ҳамкорликда, янги Фаластин полицияси билан бирга чегараларни назорат қилади ва ҲАМАС каби қуролли гуруҳларни қуролсизлантириш жараёнини кузатади.

АҚШнинг БМТдаги элчиси Майк Волцни айтишича, ISF ҳудуд хавфсизлигини таъминлайди, Ғазони демилитаризация қилади, қуролларни йўқ қилади ва тинч аҳолининг хавфсизлигини ҳимоя қилади. Шунингдек, БМТ вақтинчалик бошқарув органи — «Тинчлик Кенгаши» тузилади, у Фаластин қўмитаси бошқарувида гуманитар ёрдам тарқатиш ва ҳудудни тиклашни назорат қилади.

Трамп қарорни тарихий деб атади ва кенгаш тузилиши тез орада эълон қилиниши айтилган. Резолюцияда Фаластин халқи ўз давлатини шакллантиришга йўл очилиши ҳам тилга олинган.

Биринчи босқич — Исроил ва ҲАМАС ўртасида ўт очишни тўхтатиш ва гаровдагиларни топшириш — 10 октябрда кучга кирган. Волц уни «жуда нозик биринчи қадам» деб таърифлаган.