Buxoroda besh yashar bogʻcha bolasi kaltaklandi

Aytilishicha, voqea joriy yilning 24 iyun kuni Buxoro viloyati Olot tumanidagi bogʻchalarning birida sodir boʻlgan. 2019 yilda tugʻilgan tarbiyalanuvchi A.Yu. (oʻgʻil bola) A.S. ismli bola bilan urishgan. Shu sababli A.S.ning otasi X.F. ismli boshqa bir bolani yuziga urib, jarohat yetkazgan. 

“Mazkur holat yuzasidan oʻtkazilgan sud-tibbiy ekspertiza natijalariga koʻra, bolaga yengil darajadagi tan jarohati yetkazilganligi maʼlum boʻldi”, 

deyiladi xabarda. 

Hozirda holat yuzasidan X.F.ga Maʼmuriy javobgarlik toʻgʻrisidagi kodeksning 52-moddasi 2-qismi (yengil tan jarohati yetkazish) bilan ish qoʻzgʻatilib, hujjatlar jinoyat ishlari boʻyicha Olot tuman sudiga yuborilgan. 

Eslatib oʻtamiz, bundan avval ham Xorazm viloyati Qoʻshkoʻpir tumanidagi maktabgacha taʼlim muassasasida uch yoshli tarbiyalanuvchi bola kaltaklangan edi.